Is daar vrug in jou lewe? (deel 1)
Ons is in een van die fases beskryf in Johannes 15 – en ons verstaan nie Sy inspraak in ons lewe nie.
LEES: Joh 15:1-11 (Afr53)
Die karakters en les in Johannes 15
Jesus – die wynstok – die stam – die deel wat die plant anker en voeding daaraan verskaf.
- Om in Jesus te wees is ‘n kern gedagte in die skrifgedeelte.
Die Vader – Die wynboer, die Eienaar van die wingerd. Niemand gee meer om vir die wingerd as die Wynboer self nie.
- Ons leer die plan van die wynboer in Joh 15 vir Sy wingerd: om soveel moontlik vrug daaruit voort te bring.
Ek en jy – Die lote waaraan die vrugte hang.
- Die lote is die fokus van die wynboer in Joh 15 – Die aksies van die Wynboer is om vrugte voort te bring in die lote.
Deur Joh 15 wil Jesus ons help verstaan:
- Ek gaan weg, en Ek los julle agter met die uitsluitlike doel dat ons lewe MOET vrug dra.
- Lote wat nie vrug dra nie, is iets wat die Wynboer wil verander.
- ‘n Lewe wat vrug dra is dalk vir die mense opsioneel, maar:
- Joh 15:16 – … Ek het julle aangestel (appointed / ordained / commissioned) om vrug te gaan dra en dat julle vrug kan bly…
Wat is vrugte?
Vrugte is ‘n veranderde lewe en goeie werke wat uit ons lewe vloei.
Innerlike vrugte – veranderde lewe
- Ons innerlike transformasie.
- Heilige Gees vrugte: liefde, vreugde, vrede, geduld, vriendelikheid, goedheid, getrouheid, sagmoedigheid en selfbeheersing.
- ‘n Vaste geloof en vertroue, Vrees van God, Gehoorsaamheid
- Ek was in die verlede SO (‘n sekere tipe mens), maar vandag is ek SO (anders / vernuwe)
- Ons kan nie ontmoetings met God hê en dieselfde mens bly nie.
** As die loot in Christus is, kyk die wynboer na die loot om vrug daaruit voort te bring.
Uiterlike vrugte – goeie werke
- Titus 3:14 (Afr20) – Ons mense moet ook leer om hulle met goeie werke besig te hou, vir die voorsiening van noodsaaklike behoeftes, sodat hulle nie vrugteloos sal wees nie.
- Die werke wat uit ons lewe vloei soos ons God toelaat om deur ons te werk.
- Ons deel die evangelie met ander, ons koop ‘n brood vir iemand wat honger is, ons is ‘n skouer vir iemand om op te huil, jy besoek iemand in die hospitaal, ons saai 10e van ons inkomste.
- Daar is duisende maniere hoe goeie werk vrugte uit ons kan vloei elke dag.
** Ons word nie gered deur goeie werk nie. Vertroue in Christus se verlossing alleen red ons. Ons word gered VIR goeie werke (‘n lewe wat vrug dra is nie opsioneel nie).
** As die loot in Christus is, kyk die wynboer na die loot om vrug daaruit voort te bring.
Alle lote reageer egter nie dieselfde nie – fases van geen vrug tot vrug
Ek en jy is tans een van hierdie lote – en ons verstaan nie hoekom ons deur dinge gaan nie:
- Joh 15:2 – elke loot in My wat nie vrug dra nie.
- Joh 15:2 – elke loot wat vrug
- Joh 15:2 – sodat dit meer vrug kan dra.
- Joh 15:5 – hy dra veel vrug. (baie vrug)
Wat gebeur as ‘n loot nie vrug dra nie?
Joh 15:2 (Afr53) – Elke loot wat in My nie vrug dra nie, neem Hy weg…
- Neem hy weg – Griekse woord “airo”
- Lift up, take up, pick up from the ground
- En ook: “to take away / remove”
- ‘n GROOT vertaling meningsverskil onder taalkundiges oor “Airo”.
Airo vertaal as “neem Hy weg” weens vers 6:
- Joh 15:6 (Afr53) – As iemand in My nie bly nie, word hy uitgewerp soos die loot en verdroog, en hulle maak dit bymekaar en gooi dit in die vuur en dit verbrand.
MAAR hier is een groot verskil in die 2 verse: “Elke loot in My” vs. “As iemand in My nie bly nie“.
- Ek is in Christus, maar dra nie vrug nie OF ek is glad nie in Christus nie.
- Die vertalers kies: “neem Hy weg” as aksie van die wynboer vir iemand wat in Christus is, maar nie vrug dra nie.
- a.w. as jy gered is, maar nie vrug dra nie, PASOP… Jy word afgesny en weggegooi en verbrand.
- Jy word verwerp en gaan hel toe as jy nie vrug dra nie. Is dit so? (Vers2)
- TEEROOR: Jy word verwerp en gaan hel toe as jy nie in Christus bly nie (Vers 6)
- Vers 6 is korrek vertaal (uitgewerp), maar nie vers 2 nie (Lift up NIE take away nie).
Wynboere en Airo
- Airo beteken ook: Lift up, take up, pick up from the ground.
- Dit is wat wynboere eerste doen met lote aan ‘n wynstok wat laag lê, in die grond.
- Hulle bind die loot op vir maksimum sonlig, maak die blare skoon – in die hoop vir vrug.
- Kosbare lote word nie net afgesny nie.
- As jy in Christus is en nie vrug dra nie, gaan die Wynboer aksie neem.
- En daardie aksie is nie om my en jou weg te gooi nie.
Afsluiting:
- Wanneer ek tot God bekeer, word ek ingeënt in Christus.
- Hierdie ontmoeting met Christus verander iets. ‘n Dooie ek word lewendig.
- As ek in Christus is, is die Vader se oog en hand op my lewe – Hy wil vrug uit my voortbring.
- Vrug dra is nie opsioneel nie. Hy gaan doen wat Hy weet goed is om vrug voort te bring.
- van geen vrug, na vrug, na meer vrug na veel vrug.
- Ons verstaan nie altyd Sy prosesse – meer hieroor volgende week.